Nisan prvo pokreće pilot-fabriku 2024. godine, dok bi se solid-state baterije u automobilima trebale početi da koriste 2028. godine, prema trenutnim planovima
Nisan i NASA razvijaju solid-state baterije za električne automobile, koje će da zamijene litijum-jonske baterije kakve se danas koriste u električnim automobilima.
Automobilske kompanije već neko vrijeme najavljuju da se bliži kraj tradicionalnim automobilima i da će vremenom benzinci i dizelaši da odu u istoriju, a zamijeniće ih električna vozila.
Odluka o prelasku na automobile s električnim motorima za mnoge ipak neće biti jednostavna jer, osim što su skuplji u odnosu na klasične automobile, veliki problem predstava i baterija, odnosno vrijeme njenog punjenja i domet.
Tehnološke kompanije godinama rade na poboljšanjima baterijske tehnologije s kojom bi riješile taj problem, a iz Nisana su ovaj tjedan objavili da sarađuje sa NASA-om na razvoju takvih baterija.
Vjeruju da bi njihove solid-state baterije mogle zamijeniti litijum-jonske baterije kakve se danas koriste u električnim automobilima. Osim toga što će biti lakše i bezbjednije, trebale bi i da omoguće brže punjenje. Takođe, takve bi baterije trebale biti dvostruko manje od današnjih, dok bi punjenje do punog kapaciteta moglo da traje samo 15-ak minuta.
Nisan će prvo da pokrene pilot-fabriku 2024. godine, dok bi se solid-state baterije u automobilima trebale početi koristiti 2028., prema trenutačnim planovima.
Plan Nisana i NASA-e jest da koriste tzv. “informatičku platformu izvornog materijala”, odnosno računarsku bazu podataka za testiranje različitih kombinacija kako bi među stotinama hiljada materijala saznali šta najbolje funkcioniše i time našli efikasnu zamjenu za sadašnje skupe komponente potrebne za razvoj litij-ionskih baterija.
Nisan, naravno, nije jedina kompanija koja razvija solid-state baterije – isto su već najavili Tojota, Volksvagen, Ford i Dženeral Motors.
(ABC News)
Dopada vam se IT-mixer? Podržite nas putem društvenih mreža na linkovima ispod. Lajkujte našu stranicu na Facebooku, budite informisani u svakom momentu.
