Prije nekoliko dana kompanija Huawei navela je da je Harmony OS gotovo spreman, a sada je na svojoj godišnjoj konferenciji Huawei Developer Conference (HDC) 2020 u Kini, Huawei predstavio svoju platformu Harmony OS 2.0
CEO kompanije Huawei Richard Yu rekao da je će Huawei sljedeće godine pustiti u opticaj telefone sa pogonom na Harmony OS. Prvo beta izdanje Harmony OS-a za smartfone biće dostupno u posljednjem mjesecu ove godine za programere.
Nakon što se Microsoft povukao i ostavio smartfone na iOS-u i Androidu, sada će – uz svesrdnu pomoć Trampa – Huawei donijeti Harmony OS. Mikrokernel arhitektura, znatno manje zauzeće resursa te 96000 HMS aplikacija koje danas postoje u AppGallery stižu i na postojeću generaciju smartfona.
Prisjetimo se: od Trampovih sankcija (5/2019) Huawei koristi AOSP Android za svoje smartfone. To je open source verzija Androida, koju Amerika nikome ne može zabraniti – iako bi nesumnjivo htjela – jer, to je open source kod.
Ali svi ti događaji, koji će nesumnjivo naškoditi Huawei-ju – posebino zabrana proizvodnje čipseta u fabrikama s američkom tehnologijom – doveli su do velikih ulaganja u softver. Realno, to bi se dogodilo prije ili kasnije, ali sasvim je sigurno da je Tramp kum Harmony OS-u jer ga je pogurao par godina ranije na tržište.
Dakle, beta verzija će biti dostupna za programere već krajem ove godine, dok će početkom sljedeće godine Huawei proizvoditi telefone koji će doći sa ovim operativnim sistemom.
Harmony OS 2.0 prvo dolazi na jeftine ili tzv. budžetske telefone
Richard Yu otkriva da će početna verzija Harmony OS 2.0 operativnog sistema podržavati uređaje od 128 KB do 128 MB RAM-a. U trećem mjesecu sljedeće godine Huawei planira dodati jaču podršku kada je u pitanju RAM, a to će ići navodno do 4 GB. Napokon, u desetom mjesecu sljedeće godine ovaj operativni sistem podržavaće RAM memorije preko 4 GB. Ovo nam govori da će prvi telefoni koji će da koriste Harmony OS 2.0 biti zapravo jeftini ili tzv. budžetski telefoni, ili neki telefoni iz niže srednje klase.
Huawei će nastaviti da podržava postojeće Google smartfone do daljnjega. Treba priznati, da to rade jako ažurno. Nedavno je stigla 10.1.0.154 nadogradnja za P40 Pro, koja donosi Android bezbjednosnu zakrpu za avgust.
Prelaskom na Harmony OS Huawei će se u potpunosti odmaći od toksičnog američkog softvera i hardvera. Na taj potez su prisiljeni, a sve je izvjesnije da će se sve te sankcije itekako obiti o glavu američkim kompanijama, koje će zauvijek ostati bez 10-ak milijardi dolara godišnje.
Harmony OS je platforma otvorenog koda, a Huawei se nada će neke druge kompanije u budućnosti da koriste ovaj operativni sistem na vlastitim uređajima.
